نائجیریا کے بچّوں کو مالیاتی خواندگی اور شطرنج کے کھیل سے متعارف کروانا

ہم نے 'چیس ان سلمز افریقہ' کے ساتھ مل کر لاگوس کے علاقے ماکوکو میں بچّوں کو مالیاتی خواندگی سے متعارف کروایا ہے۔

ہم نے ستمبر 2022 میں نئے تعلیمی سال کی تیاری کے دوران ماکوکو واٹر فرنٹ کے وانیینا (Whanyinna) اسکول میں تعلیمی سرگرمیوں کا انعقاد کیا۔ ان سرگرمیوں سے بچّوں کو پیسے کی عادات پیدا کرنے اور چھوٹی عمر سے ہی پیسے بچانے، سرمایہ کاری کرنے اور بجٹ بنانے کی اہمیّت سمجھنے میں مدد ملی۔ ہم نے بچّوں کے لیے شطرنج کا ایک فوری ٹورنامنٹ بھی منعقد کیا۔

اس منصوبے پر تبصرہ کرتے ہوئے، 'چیس ان سلمز افریقہ' کے ڈائریکٹر آف پروجکٹس اک اوکی میوٹ Ike Okeimute نے کہا: 'ہمیں یقین ہے کہ ہم نے جو رہنمائی فراہم کی ہے اس سے یہ بچّے آگاہی پر مبنی مالی فیصلے کریں گے جو ان کی اور ان کے خاندان کی زندگیوں میں بہتری لائیں گے۔' 

دو روزہ ایونٹ کے اختتام پر ہم نے بچّوں کی تیاری اور نئے تعلیمی سال کو ان کے لیے مزید یادگار بنانے کے لیے اسکول بیگ، موزوں، ایکسرسائز بکس اور اسٹیشنری پر مشتمل بیک ٹو اسکول کٹس عطیہ کیں۔

دیہی کمیونٹیز میں تعلیم کی اہمیّت کو الفاظ میں بیان کرنا مشکل ہے اور ہمیں 'چیس ان سلمز افریقہ' کے ساتھ پارٹنرشپ میں یہ پراجیکٹ کر کے بے حد خوشی محسوس ہو رہی ہے۔