انڈونیشیا میں سالِ نو کی چیریٹی: پرائمری اسکولوں کو منی لائبریریز کا تحفہ

انڈونیشیا میں پرائمری اسکول کے طلباء میں ناخواندگی کی بلند سطح ایک قومی مسئلہ ہے۔ چونکہ ملک کی 42% آبادی دیہی علاقوں میں رہائش پذیر ہے، معیاری تعلیم تک محدود رسائی کم سن بچوں کے لئے پڑھنے کی ٹھوس مہارتیں حاصل کرنے میں دشواری پیدا کرتی ہے۔ یہی وجہ ہے کہ ہم نے فیصلہ کیا کہ ہم پرائمری اسکولوں میں منی لائبریریز کی سپانسرشپ کر کے خواندگی کو فروغ دیں۔

اس اقدام کو عملی جامہ پہنانے کے لیے، ہم نے Yayasan Tunas Aksara کے ساتھ شراکت داری کی، جو ایک مقامی چیریٹی ہے اور کئی سالوں سے 'لائبریری ان دی باکس' پراجیکٹ کو چلا رہی ہے۔

پراجیکٹ 'Saya Suka Membaca'، یا 'مجھے پڑھنا پسند ہے'، باکس لائبریریز فراہم کرتا ہے، جن میں سے ہر ایک مختلف درجات 125 سے زائد کتب کے انتخاب پر مشتمل ہے۔ ہر منی لائبریری انفرادی کلاسوں یا پورے اسکول کی آئندہ برسوں کی ضرورت کو پورا کرنے کے لئے استعمال کی جا سکتی ہے۔

لائبریری باکس پراجیکٹ مبنی بر تعلیم چیریٹی کے ساتھ ہماری طویل مدتی وابستگی کو ظاہر کرتا ہے۔ ہم پختہ یقین رکھتے ہیں کہ علم کا حصول اور مسلسل سیکھنا مقامی کمیونٹیز کے لیے بہتر مستقبل کی تعمیر کی کلید ہیں۔